Hunyo 23, 2021 — Gipahitabo sa Davao International Container Terminal (DICT) sa Barangay San Pedro ang usa ka Bomb Explosion Drill aron mapangandaman sa kompanya ilang mga empleyado ug security personnel sa posibleng hulga sa bomba o terorismo. Usa kini ka adbokasiya sa Philippine National Police-Panabo Station pinaagi sa ilang Explosive Ordnance Disposal (EOD) operations nga mamahimong preparado ang mga kompanya ug ahensya sa maong katalagman.

Sa kalihokan, anaa ang Bureau of Fire Protection, Coast Guard, ug Maritime Pulis alang sa pagpalambo sa ilang kahanas sa pag responde sa oras nga naay hulga sa bomba, pagbuto, ug kung adunay casualities.

Matod pa ni PNP Panabo Chief of Police PLTCOL Atty. Verna L.Cabuhat nga maayo nga lakang ang pagpahigayon sa Bomb Explosive Drill aron maabtik ang katawhan sa Panabo kung adunay susamang insidente nga mahitabo. “Anaa ang mga Inter Agency aron matudlo ang gikinahanglang buhaton sa mga ingon aning panghitabo nga wala pa ang mga taga EOD sa mga security personnel sa kompanya,” dungag pa ni Chief Cabuhat.

Si Mario Canete De Vera, Port Facility Security Officer, nagpaabot sa iyang pasalamat sa Inter Agency nga nitabang kanila aron mapahigayon ang bomb drill tungod usa kini sa rekesitos aron mamahimong alerto ang mga security personnel sa kompanya. Ingon pa niya, “Nakita nako na cooperative kaayo sila og sila pa ang ni suggest sa lakang nga buhaton namo karong adlawa.”

Ang Bomb Explosion Drill sa DICT gipahitabo pinaagi sa request ngadto sa PNP Panabo.

Gen Alforque – CIO
📸 | E. Pan & R. Cayas