Nagpadayon gihapon ang suporta sa edukasyon sa Lokal nga Panggamhanan pinaagi sa City Engineering Office sa pagpahigayon og blessing and turn over ceremony sa mga school buildings sa mga tulonghaan sa siyudad sa Panabo sama sa Tagurot Elementary School sa Barangay San Nicolas ug Desiderio F. Dalisay Sr. National High School sa Barangay Dalisay adtong September 5, 2022.

Usa ka one (1) storey school building nga adunay duha (2) ka classrooms ug comfort rooms ang gitunol sa Tagurot ES samtang usa (1) usab ka storey school building nga adunay tulo (3) ka classrooms ug comfort rooms ang gitunol sa Desiderio F. Dalisay Sr. NHS.

Gisugdan kini og blessing ceremony ug ribbon cutting dayon ang pagtunol og Key of Responsibility sa mga school principals nga nagapamatuod sa paghatag og responsibilidad na gamiton ug ampingan ang maong pasilidad.

“This is one of our desire nga adunay bag-ong mga classrooms, we are very grateful to City Government of Panabo kay gihimo nila kining posible,” mensahe pa ni Tagurot ES School Head Jemima Deiparine.

“Kulang jud mi og classrooms, especially sa limited f2f, naay uban rooms na gihimong isolation or stock rooms. This is a blessful day for us because officially, magamit na namo ni and we are thankful to the initiatives of our government because they made it possible”, dugang pa ni Desiderio Dalisay Sr. NHS School head Rosienes D. Diorda.

Sumala pa ni Executive Secretary Josie Mary G. Relampagos na dili magmakuli og hatag og suporta ang Lokal nga Panggamhanan sa edukasyon, “I hope ang recipients ani nga mga building, inyong ampingan ang gihatag sa atong gobyerno para daghan pa ang makabenepisyo ug mamahimong produkto nga mogawas sa mga eskwelahan.”

Anaa sa seremonyas si Education Program Supervisor Celestino Revamonte, Project Evaluation Officer III Grace Joy Bitos, Hon. Capt. Angelita B. Rosel, barangay functionaries, ug mga magtutudlo sa mga tulonghaan.

lM. Lagura
Photos: A. Castilla