Nisalmot ang pipila ka mga barangay captains, secretaries ug treasurers gikan sa 22 ka mga barangay alang sa gipahitabong Business Symposium nga gipasiugda pinaagi sa Panabo City Investment Promotions Center ug Department of Trade and Industry (DTI) Davao del Norte adtong Septyembre 30, 2021.

Ang tumong sa Business Symposium kay ang pagpahibalo sa tamang pamaagi sa pagtukod og negosyo hilabi na nga isa sa mga requirements nga makakuha og business permit kay ang barangay clearance. Gipahibalo usab sila sa mga importanteng buhaton o mga requirements nga kinahanglan kuhaon sa usa ka residente nga gusto magtukod og negosyo.

Sumala pa ni City Administrator Pedrito A. Misoles, isip representante ni City Mayor Jose E. Relampagos, “Naningkamot ang gobyerno nga mapahinumduman ug makab-ot ang mga ordinaryong lungsoranon nga magaan sila og energizing economic development pinaagi sa kadali sa pagbuhat sa negosyo”. Dugang pa niya nga ang LGU kanunay nagapaningkamot nga makahatag og livelihood program sa mga small, medium and large enterprises.

Sa maong Business Symposium, anaa ang mga representante sa barangay Mabunao, Buenavista, Katualan, Kiotoy, San Roque, San Nicolas, Maduao, Sta. Cruz, Tagpore, Upper Licanan, Manay, Dalisay, New Malitbog, Southern Davao, Nanyo, Tibungol, A.O. Floreindo, Dapco, Lower Panaga, Quezon ug Malativas.

Naghatag pud og kaalam sila DTI Business Counselor Michael Bumaya, Business Permit and Licensing Section nga girepresentahan ni Cynthia S. Rojo, City Planning and Development Office nga girepresentahan ni Karen Ann R. Maguilan, City Engineering Office nga girepresentahan ni Elizabeth U. Dacumos, Bureau of Fire and Protection nga girepresentahan ni SFO2 Ramil C. Rivera, City Health Office nga girepresentahan ni Ericjan G. Plasabas, City Environment and Natural Resources Office nga girepresentahan ni Joey Dulay, ug City Treasurer’s Office nga girepresentahan ni Cherrielou L. Baga..

| Tim Acebedo, CIO-PIRO
📸 | R. Cayas