Nindot nga panaghisgut kabahin sa Microbiz Incubation Program (MIP) nga hatod sa Lokal nga Panggamhanan pinaagi sa Public Employment Services Office (PESO) Panabo sa programang RaJOE Serbisyo sa 94.3, Dream Radio.

Ang MIP usa ka programa sa PESO Panabo nga magahatag og oportunidad sa mga gustong magtukod og ginagmayng negosyo apil na ang mga adunay negosyo alang sa dugang kapital niini.
Gibutyag ni MIP Focal Person Rayly G. Flores nga pipila na ka mga panaboans ang natabangan sa MIP ug padayon sa ilang gimugna na mga gagmayng negosyo. Dugang pa niya, “Ang funds sa MIP, Soft Loan Assistance gikan sa Lokal nga Panggamhanan, ug maka loan ka gikan P3,000.00 to P5,000.00 nga mamahimong bayaran sulod sa duha (2) ka bulan nga wala’y gipataw nga interest ug kung mulapas sa 2 ka bulan adunay penalty ipataw niini.”

Adunay mga orienation sa adlawng Lunes, Miyerkules ug Biyernes sugod alas 10 sa buntag hantod sa alas 2 sa hapon
na ginapahigayon apil seminar alang sa mga gustong mo avail sa MIP alang sa dugang kahibalo ug giya kanila sa pagsugod og negosyo apil na ang pagpahibalo sa ilaha sa mga rules and regulation sa ipahuram na pangkapital kanila.

Ginaawhag ang gustong maka avail niini nga muadto sa ilang opisina, sa dugang kasayuran sa PESO Panabo nga nahimutang sa Parks and Plaza, Barangay New Pandan, Panabo City.
Mamahimong paminawon ang full coverage niini sa link: https://www.facebook.com/panabocityofficial/videos/328011655891019

|I.Balogbog, CIO-PIRO