Abril 27,2021 — Gipahitabo ang TESDA Barangay Development Program Site Visit sa usa ka organic chicken production sa Barangay San Nicolas, Panabo City kauban si TESDA Secretary Isidro S.Lapeña alang sa mga TESDA scholars nga nag atiman sa maong produksyon.

Sa kasamtangan, adunay 25 ka mga TESDA scholars ang Barangay San Nicolas nga nakahuman sa programang produce organic concoction and extracts ug raise organic chicken leading to organic agriculture production.

Matod pa ni Neil Español, 20 anyos, usa sa TESDA scholars, nga iya kunong magamit ang iyang natun-an sa organic chicken production sa pagpatindog og negosyo. “Dako kaayo ning tabang sa akoa kay puhon kabalo nako unsa ang pamalakad sa ani nga business.”

Atol sa kalihokan, anaa sila City Mayor Jose E.Relampagos, City Councilor Hon. Emeterio Blase, City Administrator Pedrito A.Misoles, PNP Randy Sta. Maria, BGEN Nolasco A. Mempin, 27thIB LTC Victorino Seño, PCol Edgar Allan Okudo, ug ni Barangay Chairperson Angelita Rosel.

Anaa usab ang presenya sa mga Panabo Police, 27th Infantry Battalion ug DCPO SWAT alang sa seguridad sa lugar.

| Sonny L. Calizar, CIO – PIRO
📸 | Aljun Castilla