September 08,2022 — Bitbit na sa TMU ang Notice To Residence And Business Establishment Owners sa ilang pagpulong kauban ang mga vendors sa Bagsakan sa Gulayan nga nahimutang atbang sa National Road ug kilid sa Sto.Niño Church.
Kabahin kini sa paglapas sa ilang pwesto o establisyamento sa Section 15 sa City Ordinance No. 31-17 o ang “2017 Revised Traffic Code of Panabo City” gumikan nga anaa sila sila nag baligya sa service road o sa road-right-of-way. Aduna usab kini kalambigitan sa pagbabag o “other obstruction” sa kadalanan.
Matod pa ni Ybañez nga anaa na sa ikatulong hugna ang pagpahibalo sa mga vendors aron sila mahatagan og saktong panahon sa pagpangandam sa pagbalhin og pwesto. Kini ipatuman alang sa hapsay og malampuson nga road clearing nga pagahitabuon sa umaabot pa na mga semana.
Karong hapon, magpadayon og panghatag og sulat ang TMU alang sa pagpahibalo sa mga vendors nga maghinay-hinay na og balhin bago ang deadline.
