Hulyo 17,2020, gianunsyo sa City Agriculture’s Office sa pagpanguna ni Acting City Agriculturist Samuel N. Anay ang Top Three sa Luntiang Pamumuhay Kontra Covid-19 (Backyard Gardening Contest).

First place si Evelyn Montecillo nga taga Gawad Kalinga Barangay Nanyo, Second placer si Juanito Remulta nga taga Barangay San Francisco, ug Third placer si Ethel Castor na lumulupyo usab sa Gawad Kalinga, Barangay Nanyo.

Matod pa ni Montecillo, “Dako akong pagpasalamat kay Mayor Jose E. Relampagos kay siya mismo ang nagsponsor sa papremyo ug sa City Agriculture Office kay kami gitagaan ug higayon na ipasundayag among talento sa pagpananom.” Siya nakadawat og P10,000 nga adunay dugang freebies susama sa vermicompost ug seedlings.

Dungag pa niya, “Ang maong papremyo dakong tabang usab para gamiton sa akong anak sa pagpalit ug cellophone para sa online nga klase.”

Nakadawat usab ang second place ug P7,000 nga adunay freebies nga vermicompost ug seedlings ug P5,000 alang sa third place ug freebies nga vermicompost ug seedlings.

Ang awarding sa Luntiang Pamumuhay sa First ug Third place gipahigayon sa Gawad Kalinga, Barangay Nanyo adtong Hulyo 30,2020 kauban si City Mayor Jose E. Relampagos.

Agosto 5, 2020 gipahigayon usab sa Barangay San Francisco ang awarding sa second place sa luntiang pamumuhay ug gisalmutan kini sa Bise-mayor sa siyudad Hon. Janrey G. Gavina, kay siya mismo ang sponsor sa maong papremyo.

Gibutyag ni Samuel Anay na aduna pa’y second batch sa Luntiang Pamumuhay Kontra COVID-19 (Backyard Gardening Contest).

|M.Hilario/CIO