Gideklarang “Drug-Cleared Barangay” niadtong Hulyo 29, 2020 ang tulo ka barangay sa Panabo human sa gipahigayon na Drug Clearing Operation sa PDEA XI. Kini mao ang Barangay Buenavista, Barangay San Roque, ug Barangay Mabunao.

Matod pa ni PDEA Provincial Officer IAV Glenn U. Carlos, “Hingpit among pag monitor aron ma consider sila nga drug free barangay.” Padayon gihapon ilang pagmonitor niini.

Atol sa signing and declaration of drug cleared barangays, miduyog ang suporta ni City Mayor Jose E. Relampagos, PLTCOL Ernesto M. Gregore, DILG Danilo M. Hernandez, City Councior Hon. Conrad Theodore Matutino, Barangay Captain San Roque Hon. Salome Cagollodo, Barangay Captain Buenavista Hon. Nilo P. Suganob, ug Barangay Captain Mabunao Hon. Villamar S. Gulayan.

Aduna pay 28 out of 40 ka barangay ang naga comply sa mandato sa drug-clearing operations.

Kung adunay mga suspetsang kalihokan bahin sa illegal nga droga, isumbong sa CADAC Office sa 2nd Floor, Central Market Building, Panabo City o sa PNP-Panabo Station.

|G.Alforque/CIO