Nagpahigayon og pre-registration alang sa COVID-19 Vaccination via online ang lokal nga panggamhanan pinaagi sa City Health Office ug sa ilang pakig-alayon sa Tourism Promotion Section alang sa mga tag-iya ug trabahante sa mga Tourism-Related Enterprises sama sa mga accommodation, food and beverage, ug travel services tungod apil sila sa “Frontline personnel in essential sectors” o A4.

Ang online registration makapadali sa ilang pagparehistro ug paglikay sa panagtapok.

Ingon pa ni Acting City Health Officer Dr. Eranie L.Pangilinan, “Mas maayo ang online pre-registration alang sa A4 o mga musunoray nga mabakunahan tungod kay daghan ang katawhan nga na belong aning priority sector ug isa pud kining pamaagi sa paglikay sa panagtapok ilabi na nga GCQ pa atong siyudad.”

Sa kasamtangan, ang City Health Office nagabakuna pa sa mga senior citizens (A2) ug persons with comorbidity (A3).

Alang sa mga gusto magparehistro sa pagbakuna, mamahimong e-click ang link sa registration nga http://bit.ly/Covid19VaccinationMasterList2021.

| Sonny L. Calizar, CIO – PIRO