Matod pa ni Acting City Health Officer Dr. Eranie L.Pangilinan nga mo target na sila og 500-1000 ka tao para mabakunahan sa COVID-19 vaccines sulod sa usa ka adlaw aron mapadali ang deployment sa bakuna alang sa mga katawhan nga anaa sa priority list sa City Health Office.

Nagplano usab si Mayor Relampagos nga dungagan ang manpower sa City Health Office aron makatabang sa pagbakuna. Gawas niini, magdungag og usa (1) ka Vaccination Site aron dili magtapok ang kadaghanan ug masunod ang minimum public health protocol.

“This is one way para mas dako ang coverage sa mabakunahan ug paspas na ang paghatag sa bakuna,” matod pa ni Mafel Mugas RN, nga maoy National Immunization Program Coordinator sa City Health Office. “Ang pagbakuna karon naka depende sa gidaghanon nga ihatag sa Department of Health sa LGU og diria makita kung kinsa og pipila ka tao ang mahatagan.”

Nagpadayon pa sa kasamtangan ang pagbakuna sa mga miyembro sa A2 (senior citizens) ug A3 (persons with comorbidities).

Mamahimong makig-alayon sa Barangay Health Workers kung aduna may pangutana kabahin sa pagbakuna.

| Gen Alforque – CIO
📸 | Panabo City Health