Adtong Nobyembre 26, 2020, gisugdan ang seminar sa Violence Against Women (VAW) nga gipahigayon sa Gender and Development Office (GAD). Gi-attenan kini sa katorse (14) ka GAD focals sa matag barangay.

Gipangunahan kini og mga speakers na sila Geraldine P. Cabang ug ni Maria Victoria R. Canarias-Deiparine.

Gihisgutan sa maong seminar ang VAW ug ang mga negatibong epekto niini alang sa mga kababaihan. Apil usab sa giistoryahan ang nagkandaiyang buluhaton sa matag usa pananglitan anaa kini sa sitwasyong nga adunay pag-abuso sa panimalay ug uban pa.

Sumala pa ni Aldrich Mento, usa ka barangay kagawad ug GAD Focal sa DAPCO, nakatabang kaniya ang gipahigayon nga seminar aron masabtan ug makuha nila ang tumong ug tinguha sa maong programa human iya kining ilatag sa ilang sakop ang nahisgutan.

Matod pa ni City GAD Officer Libertad V. Regis nga gipahigayon nila ang maong seminar kay aron ma-edukar ang mga katawhan bahin sa Gender Equality og maundang na ang diskriminasyon sa matag usa.

#VAWFreePH

MJ Curaming | CIO – GIP
Photos| Margot Lagura | CIO- GIP