Ang PNP Panabo nga gipangulhan ni PLTCOL Atty. Verna L. Cabuhat nag selebrar sa National Childrens Month pinaagi sa live symposium ug radio guesting kung diin gi-edukar ang katawhan sa mga katungod sa mga kabataan hilabi na ang ilang proteksyon laban sa nagkadaiyang pag abuso kanila.

Sumala no PCPL Chezell Jane Paica nga gipaningkamotan nila kini aron makahatag sila og sakto nga impormasyon sa mga mananan-aw. “Tungod aning live symposium, maka balo ang tanan sa mga balaod nga nagprotekta sa mga kabataan.”

Kada human sab sa live symposium, adunay ginahitabo ang host nga question portion alang sa mga live viewers ug ang mga makatubag nga tama adunay ihatag nga premyo.

Anaa usab sa radio guesting matag dominggo sa Dance radio inubanan ni Panabo Police Chief Verna L. Cabuhat aron pagahitaboon ang PNP Hour. Hisgotan nila ang mga kalihokan og aktibidades sa Panabo Police Station. Nanawagan sab si PCPL Paica nga sa mga kabataan nga nakabati og pag abuso, mamahimong mo adto sa Panabo Police Station aron matabangan og maimbestigahan.

Gen Alforque – CIO/PIRO
📸 – Pnp DaVnor Panabo