94 ka mga kabataan ang naka benepisyo sa libreng tuli program ni City Mayor Jose E. Relampagos nga “Tuli mo, Sagot ko” inubanan sa 27th Infantry Batallion, PNP, ug City Health Office.

“Nagpasalamat ko kay Mayor Joe kay wala jud niya gipili ang Barangay na iyang giserbisyohan, gilukop jud niya tanan,” sumala pa ni Julieta Libertino kung diin nakapahimulos ang iyang duha ka mga apo sa programa. Nakadawat usab ang mga kabataan og libreng tambal ug food packs gikan sa LGU Panabo.

Mosunod ang mga benepisyaryo sa Barangay Kiotoy, Sta.Cruz, ug San Nicolas sa Abril 12,2021, Lunes, sa Barangay Kiotoy Covered Court. Aron maka apil sa programa, gihangyo sa Barangay Affairs nga magpalista daan ang mga bata sa ilang Barangay Hall.

| Gen Alforque – CIO
| MCG – 📸