March 8, 2022 – Opisyal nang gi-turn over sa Lokal nga Panggamhanan sa Gredu Elementary School ang 1 Storey Building nga adunay duha (2) ka classrooms ug sariling comfort rooms.

Sa seremonyas, gipahitabo ang blessing ug cutting of ribbon sa bag-ong tulunghaan. Dako kining tabang sa Gredu ES ang dugang pasilidad nga kombenyente sa pagtuon sa mga estudyante nga magamit nila kung matugutan na ang pagbalik sa face-to-face classes sa skwelahan.

Mihatag usab og mensahe si City Information Officer Michel Angelo A. Resueño isip representante ni City Mayor Jose E. Relampagos. “Congratulations Gredu ES sa inyog bag-ong pasilidad, nagmalaumon si Mayor Relampagos nga sa pagtukod sa bag-ong pasilidad mas daghan pa ang mga kabataan nga makakat-on ilabi na kung mobalik na ang F2F classes dinhia”.

Anaa usab si Panabo Schools Division Superitendent Dr. Reynante A. Solitario, CESO V nga mipaabot sa iyang dakong pasalamat kay City Mayor Relampagos sa kanunay nga suporta sa Lokal nga Panggamhanan sa Department of Education ug sa pagpokus sa mga kinahanglanon sa matag skwelahan sa Lungsod sa Panabo.

Anaa usab sa turn-over ceremony sila City Engineer Bernardo Rabanoz Jr., City Engineering’s Office Assitant Department Head Engr. Joanne L. Mazo, Gredu ES Principal II Leonora Cañete, Gredu Barangay Kagawad Hon. Abraham Diego, Panabo General Contractor and Development Corp., ug mga maestra sa Gredu ES.

✍️ | Tim Acebedo, CIO-PIRO
📸 | Aljun Castilla, CIO-MULTIMEDIA