Barangay San Nicolas,Kauswagan,A.O Floriendo,Salvacion, ug New Malitbog ang unang lima ka Barangay ang napili sa CAGRO aron ipakita ang kahanas sa pagtanom ug pag atiman sa mga gulayon.

Tumong niini nga ma sustena ang pang adlaw-adlaw nga pagkaon sa mga residente luyo sa Pandemiya sa COVID-19.

Ilang gipakita ang ilang lugar nga gi tamnan, mga pamaagi sa gulayan aron ma sustena ang pag buhi niini, ug ang ilang mga ani.

Dako ang pasalamat ni City Mayor Jose E. Relampagos kay nagpadayon ang programa sa CAGRO luyo sa pag dumala ni Dr. Samuel Anay. “Ako nalipay tungod naa gihapon masustain ang katawhan nga mga pagkaon nga anaa lang sa nataran. Padayon akoang pag suporta sa atong kaigsoonang mag-uuma,” dungag pa ni Mayor Relampagos.

“Nalipay ko sa suporta nga gihatag ni Mayor Relampagos ug sa CAGRO. Nagpasalamat ko og dako nila tungod dako ilang suporta sa mga mag uuma,” sumala pa ni Hon. Oscar S. Amante, konsehal sa Barangay Malitbog og nagpa gamit sa iyang luna isip tamnan sa maong Barangay.

Nakakuha ang Barangay Salvacion sa ika limang pwesto, Kauswagan sa ika-upat, A.O Floriendo sa ikatulo, ika-duha ang Barangay San Nicolas, ug ang nidaog mao ang Barangay New Malitbog kung asa sila naka dawat og mga fertilizers alang sa pananom og 5,000 pesos gikan kay Mayor Relampagos.

|Gen Alforque – CIO/PIRO
|📸 – MCG