Agosto 18, 2022 — Nahatagan og recognition ug award ang mga SSG – SPG officers sa Panabo City Division inubanan sa suporta sa DepEd Panabo Division, JCI Panabo, Youth Formation Division nga gipahitabo sa Salvacion Elementary School.
Ang mga Youth Leadership Awardees gikan sa Senior High School, Junior High School, ug Elementary Level sa siyudad sa Panabo ang gipasidunggan sa maong programa. Layon niini nga maila ang kontribusyon sa mga estudyante sa siyudad ug mamahimo silang inspirasyon sa uban pang studyante ug kabataan sa dakbayan.
Nagpadala og mensahe si Mayor Jose E. Relampagos pinaagi ni Panabo Youth Development Office in Charge Reynard Engada, sumala pa niya nga usa kini ka pamaagi nga makita sa mga kabataan nga gi ila ang ilang mga nabuhat alang sa skwelahan ug komunidad. “Anaa si Mayor Relampagos always gasuporta sa bisan unsang kalihokan sa matag skwelahan sa siyudad. Andam ang Lokal nga Pangamhanan nga mo tabang sa mga umaabot pang katikaran,” dungag pa ni Engada.
Anaa sa programa ang personahe sa DepEd Panabo, JCI Panabo Chapter President Julie Marie Gentiles, mga mag tutudlo sa tulunghaan sa Salvacion ES, ug mga awardees.
