Agosto 23, 2022 – Opisyal ng gisugdan karong adlawa ang pagsaulog sa tulo (3) ka adlaw nga pagselebrar sa ika-44th National Disability Prevention and Rehabilitation Week nga adunay tema na: “Working with Government in Achieving Equal Access to Education, Employment and Livelihood towards Empowerment of Person’s with Disabilities” nga gipahitabo sa Panabo Multipurpose Gym, Brgy. JP Laurel.

Gisugdan kini og Motorcade kauban ang opisina sa City Social Welfare and Development Office (CSWDO) ug mga miyembro sa Panabo City Association of Differently Abled Person sa 40 ka mga Barangay sa Panabo.

Nagpakita pud sailang mga talento ang mga miyembro pinaagi sa pagkanta ug pagsayaw.

Atol sa programa, nagpaabot og mensahe si City Mayor Jose E. Relampagos pinaagi kay City Administrator Pedrito A. Misoles., nga padayon gihapon ang mga programa sa CSWDO labin na ang pag suporta sa mga PWD. “Importante gyud nga naa gyud moy Edukasyon, because atoa man gud target sa World sa United nation nga atong ma attain ang Gender Equality and Reduce Inequality. Sa inyong kapansanan, I believe need gyud access of Education. Pasalamat ta sa atong CSWDO Department Head Chareina Joy G. Laquin tungod naay programa atong LGU ang Sulong Dunong Program nga naay mga PWD nga anak or PWD naay libreng allowance sainyong pag-eskwela.”

Mipa-ambit usab si Dan Earl Torregoza saiyang kalampusan bisan siya usa ka PWD. Ingon pa niya, kinahanglan adunay determinasyon sa tanang butang. “Kung kaya nako ni kaya pud ninyo ni. Kita dapat maglikay sa paghimo og daotan sa isig ka tao aron kita mahimo sad og role model.”

Sa pagselebrar, gi-turnover usab ang mga assistive devices sa mga PWD sama sa Wheelchairs, Cluthes, Walker, Folding Bed, ug Toilets Aids for Seniors.

Anaa sa kalihokan ang presensiya nila City Vice Mayor Banjong Dujali III, City Councilor Hon. Ian Rolet A. Catalan, Hon. Atty. Jamail Lunar G. Macla, CSWDO Assistant Dept. Head Jeanette Lamoste, Myla Villa M. Aquino – RSW Disability Affairs Officer I , ug mga Brgy. Kagawad on Social Services.

| MCG
📸 Q. Villahermosa