Opisyal nang natapos ang 45 ka household beneficiaries ilawom sa Pantawid Pamilya Pilipino Program o 4Ps adtong Mayo 18,2021 sa Panabo City. Nahitabo ang programa sa ACES Polytechnic College Gymnasium, Barangay San Francisco, Panabo City kauban ang DSWD ug ang City Social Welfare and Development Office.

“This is a celebration of success. A success whom everybody in this venue took part,” sulti pa ni DSWD Assistant Regional Director for Operations Merlinda A. Paragamac. “Gusto nako ipaabot ang akong dakong kalipay sa mga program beneficiaries ug mga suluguon sa gobyerno na natagamtaman nato ang kalambuan.”

Ang Graduation Ceremony, nga adunay temang “Pasidungog alang sa Kalampusan ug Kalambuan”, gipahigayon alang sa mga 4Ps beneficiary nga milampas na sa edad (18 anyos) na mahimong kwalipikado sa maong assistance.

Matod pa ni Nila B. Garfil, 82 anyos, usa sa nigradwar, nga dili niya makab-ot ang iyang pangandoy kung dili mahitungod sa programa. “Lisod kaayo kaniadto nga wala pa ko sa 4Ps, pait gyud kaayo. Tungod aning 4Ps, nakaprovide ko sama sa pagpaeskwela sa akong anak ug mugraduate na gyud siya sunod bulan,” dungag pa niya.

Mitambong usab sa kalihokan si Executive Secretary Josie Mary G. Relampagos isip representante ni City Mayor Jose E. Relampagos kauban ang mga opisyales ug representante sa mga nagkadaiyang ahensiya sa gobyerno.
Striktong gisunod sa programa ang health protocols batok COVID-19.

| Margot Lagura, CIO GIP
Photo by: Rommel D. Cayas, CIO Multimedia