May 19,2021 – Gisugdan na sa Pag-asa Youth Association of the Philippines o PYAP Panabo City ang tulo (3) ka adlaw nga Youth Leadership Summit 2021 subay sa ika-47th Year Celebration sa asosasyon. Nangandam sila og aktibidades sama sa lectures ug workshops pinaagi sa ilang pakig-alayon sa City Social Welfare and Development Office alang sa 70 ka mga partisipanteng kabatan-onan.

Matod pa ni Federation President sa PYAP Rhiell John dulalas, “Daghan ta’g maton-an ani nga summit diin kada tuig ni ginapahigayon. Encourage lang nako sa mga kabatan-onan nga mo engage mo sa mga existing organizations.” Iyaha sad gi-awhag nga magpartisipar sila sa mga nagkadaiyang mga kalihokan sa gobyerno. “Pag-apil sa mga program and activities nga alang kanato para mahimong meaningful ang atong pagkabatan-on.”

Present sa kalihokan si Banwag Coordinator Allan R.Sarabia isip representate ni City Mayor Jose E. Relampagos. Anaa usab si City Councilor Hon. Flopone Royle Catalan, CSWDO PYAP Focal Person Shiela Mae Lapasa, National Youth Commission Division Cluster Head May Jee A. De La Cruz, SF Focal Michael Tagwalan, Population Program Officer II Carlyn T. Quieta, RSW, MSSW, ug CHO Population Program Staff Michael Gentiles Support Staff.
Gibahin sa tulo (3) ka batch ang 40 ka barangay aron masunod ang health protocols kontra COVID-19.

| Ivory Dawn Balogbog – CIO
📸 F. Paculanang