Agosto 25, 2021 – Nabakunahan na ang 600 ka mga residente sa Barangay San Pedro sa gipahitabong Mobile Vaccination sa Panabo City Health Office alang sa pagbakuna sa mga apil sa A2 (senior citizens), A3(18-59 anyos nga adunay mga sakit), ug A4 (frontline personnel in essential sectors).

ngon pa ni Bebelita M. Rasonable nga usa ka trabahante sa DOLE, nga dili na siya mahadlok mo trabaho kay nabakunahan na siya kontra COVID-19. “Sa sugod, nakulbaan gyud ko,” ingon pa niya. “Pero tong nahuman na okay man diay. Pasalamat sad ko na nahuman ko aning bakuna kay ako nalang samong pamilya ang wala pa nabakunahan.”

Sumala pa usab ni Mafel Mugas, RN, CHO National Immunization Program Coordinator, “Target gyud namo ang mga Senior Citizen nga mabakunahan kay anaa pa sa 34% sa total population.”

Nibisita usab sila World Health Organization Consultant Dr. Yohannes Getahu ug si Glorideta N. Oclarit, RN, MAN, National Immunization Program-Nurse Manager, Center for Health Development XI aron ma monitor ang gipahigayon nga mobile vaccination ug ma siguro nga ni subay sa minimum public health protocols batok COVID-19.

Sunod na bisitahon sa Mobile Vaccination Team ang Barangay Salvacion karong Agosto 27, 2021, adlawng Biyernes.

| M. Gentiles