Nobyembre 23, 2021 – Nagpahigayon og Inaugural Blessing ug Turn-Over Ceremony ang LGU Panabo sa bagong gi-construct nga one-storey school building sa Datu Abdul Elementary School nga adunay upat (4) ka classroom ug comfort room. Ang maong tulunghaan adunay budget nga P2 Million.

Ang pagpatukod sa maong tulonghaan usa sa mga proyekto sa gobyerno alang sa pag-pangandam sa pagbalik sa face-to-face nga klase.

Gipaabot usab ni City Mayor Jose E. Relampagos ang iyang mensahe pinaagi kay City Councilor Hon. Emetrerio Blase. Sulti pa niya, “Magpadayon iyang pag hatag og suporta sa Edukasyon sa Panabo hilabina dako kining tabang sa mga kabatan-onan nga aduna silay bag-ong classroom nga magamit.” Dugang pa niya, “I hope nga, ampingan ninyo ang butang nga gihatag sa atong gobyerno.”

Sumala pa ni School Principal sa Datu Abdul Paterna F. Cañeda nga despite sa pandemic, si City Mayor Relampagos unending ang iyang suporta labin na diria sa Datu Abdul Elem. School. Ingon pa niya, “Actually ang tanan nakong gipangayo para diria sa eskwelahan, na hatag gyud tanan ni Mayor Relampagos.”

Gi-anunsiyo usab ni OIC School Division Superintendent Dr. Reynante A. Solitario, CESO VI, nga usa sa mga prospect nga mga eskwelahan ang Datu Abdul Elem. School nga mag abri sa limited face-to-face nga klase.

Anaa sa Programa si City Councilor Hon. Janno Paolo P. Gentiles, Executive Secretary Josie Mary G. Relampagos, Barangay Captain Hon. Allan D. Pangay, City Government Department Heads nga City Administrator Pedrito A. Misoles, Engr. Bernardo Rabanoz Jr., Joven M. Sepe, Nemesio L. Rasgo, Madera Bautista, Atty. Chervin Paculanang, Evelyn Somoso ug mga School Teachers sa Datu Abdul Elem. School.

| M. Gentiles