Gipahigayon sa City Agriculture Office (CAGRO), Research Section ang usa ka technical training sa Banana Plant Nutrition ug Pest and Disease Management diin adunay 60 ka mag-uuma ang mitambong sa Farm 2, Barangay Dapco adtong April 7,2022.

Sa maong kalihokan gipasiugda ang paggamit sa mga organikong materyales ug biocon aron mabuntog ang taas nga gasto sa mga abono ug paggamit sa eco-friendly nga mga input. Dako kining tabang ngadto sa mga mag-uuma na mahatagan og dugang kaalam na magamit nila sa ilang pagpanguma.

Ingon pa ni Senior Agriculturist Teresa B. Balamores nga, “Pinaagi sa gipahigayong training among gi highlight ang basic requirements sa pagpananom, sama sa pag-gamit sa abono na dili lang ilabay nga hurot hurot kay makadaot kini sa pananom.”

Sa ulahing bahin, aduna usab gipahigayon nga forum alang maabot kanila ang mga molo sa mga mag-uuma ug ang pagtabang kanila sa mga sakto nga paggamit sa mga abono.

|I.Balogbog, CIO-PIRO
Graphics| Francis Paculanang, CIO-Multimedia