Enero 27, 2022 – Natagamtaman sa Barangay Datu Abdul ang Serbisyong Barangay o Oplan Kalinaw gikan sa opisina ni City Mayor Jose E. Relampagos, mikabat sa 228 ka mga indibidwal ang nakabenepisyo niini.

Ang mga serbisyong pang beterinaryo, eye ug medical check-up, tambal ug bitamina gihatod sa lokal nga Panggamhanan para sa katawhan sa datu abdul aron ipaabot ang tabang nga libre.

Ani pa ni Adelaida Hibaya, isa sa nakabenepisyo sa libreng serbisyo, nga nagpasalamat siya kay naka avail siya sa libreng reading glasses. Dugang pa niya, “Dili nako kinahanglan pa mopalit ug mogasto pa para maka reading glasses.”

Ugmang adlawa, ipahigayon ang Serbisyong Barangay sa Barangay Lower Panaga Gym nga upat (4) ka barangay ang makabenepisyo: Tibungol, Sindaton, Lower Panaga, ug A.O. Floreindo, 8AM hangtod 5PM.

Alang sa mga umaabot nga iskedyul sa Serbisyong Barangay, mamahimong bisitahaon ang Isumbong mo kay Mayor Joe Facebook Page.

✍️ | Tim Acebedo, CIO-PIRO
📸 | Aljun Castilla, CIO-MULTIMEDIA