Sobra 300 ka indibidwal ilawom sa A4 (Frontline Personnel in Essential Sectors) ang nabakunahan kontra COVID-19 sa Panabo City karong adlawa.

Dako og natabang ang Gaisano Grand Mall of Panabo tungod sa pag-abri nila sa ilang establisyamento aron mapadali ang pagbakuna sa ilang mga empleyado ug empleyado sa Save for Less, Lots for Less, Herlyn’s, Water District, Panabo Cooperatives, ug uban pa nga apil sa essential sectors sa Panabo.

Bisan pa man nga daghan nagboluntaryo nga magpabakuna, pipila ang nagreklamo tungod dili sila maapil sa skedyul. “Mao rani naga abot nga vaccine and we can’t accomodate everybody. So, we expect naa gyud mo reklamo kung daghan bakuna nga mag abot mapadali gayud atong pagbakuna sa katawhan,” sumala pa ni National Immunization Program Coordinator, Mafel Mugas, RN.

Mahinumdoman nga si Mayor Jose E.Relampagos nagpapundo og kwarta sa CDRRMO para sa pagpalit og bakuna. Kinahanglan pa kini mo agi og kasabotan kauban ang DOH ug national IATF.

Alang sa gusto nga magpabakuna nga apil sa priority group, mamahimong magpalista sa Barangay Health Center aron ma skedyulan sa vaccination.

Panghimangno usab sa CHO nga dili sila mo dawat og walk-in sa vaccination site kay aduna nay na lista nga mga katawhan alang sa pagbakuna anang adlawa.

| M. Gentiles
📷 E. Pan