Agosto 13, 2021 — Lehitimo na nga tag-iya ang mga mag-uuma sa Panabo City sa ilang mga yuta human giturn-over kanila ni Department of Agrarian Reform (DAR) Secretary John R.Castriciones ang ilang Certificate of Land Ownership Award (CLOA) ilawom sa programang Land Tenure Improvement.

Tumong sa Land Tenure Improvement Program nga mahatagan ang mga inilang Agrarian Reform Benificiaries (ARB) og “farm lot” pinaagi sa pag-angkon ug pag apod-apod kanila sa mga luna sa gobyerno ug pribadong kayutaan sa agrikultura. Tungod niini, masiguro ang ilang pagkinabuhi ug pagkamabungahon sa ekonomiya.

Sumala pa ni DAR Sec. John R. Castriciones nga usa ang mga mag uuma sa pag-asa ng bayan. Ingon pa niya, “Dako og tabang ang mga mag-uuma tungod sila ang nagapakaon sa atoa og sila usa ka tinood na bayani alang sa kalamboan.”

Nagpasalamat usab si Kim Capunong, taga Guadalupe ug maoy representante sa mga ARB sa Davao Del Norte, sa Department of Agrarian Reform sa tabang kanila isip mga mag-uuma. Siya ang nisaka ug nag kuha sa award.

Sa maong kalihokan, isa sa gigawaran og Plaque of Appreciation si City Mayor Jose E. Relampagos ug Governor Edwin I. Jubahib isip pag-ila sa ilang liderado nga wa ni undang og suporta sa programa.

Sa programa apil na gipahigayon ang Ceremonial Turn-over of Common Service Equipment (CSE), Land Bank of the Philippines (LBP) checks/Awarding of Plaque of Recognition, ug Mass Oath-Taking of newly hired and promoted DAR XI employees.

Sa Panabo City, anaa ang Opisina sa Municipal Agrarian Reform Officer Engr. Beatrize Alconera sa Panabo City Multi-Purpose Gymansium.

|Mark Jerald Ramirez
📸| Rommel Cayas