“Wish granted!”

Kinasingkasing ang pagpanghatag sa mga South District day care teachers og mga shorts, t-shirts, rubber shoes, ug tsinelas alang sa mga bata sa Angel Barachiel Home for Boys, Panabo City adtong Agosto 28,2020 tungod “Wish” kini sa mga bata sa maong Center.

Sumala pa ni South District Day Care President Maricel Saire Sanani, “Amo gi paabot among suporta sa program sa (CSWDO) para sa mga bata nga naay mga panginahanglan. Andam kami mohatag kutob sa among makaya para sa kalipay sa mga bata.”

Ang Angel Barachiel usa ka balay pasilungan alang sa mga batang wala na sa ilang pamilya. Sila ginahatagan og programang panglawas ug spiritual pinaagi sa City Social Welfare and Development Office.

Gawas sa day care workers, ubay-ubay nasad ang mga nagtabang sa Center. “Amo gi ampo na ma butang cla sa maayong kahimtang perme. God will always guide them,” dugang ni Sanani.

Ang Angel Barachiel nahimutang sa City Government Motorpool Compound, Barangay Datu Abdul, Panabo City.

Kung adunay mga pangutana bahin sa Center, bisitaha lang ang CSWDO, New City Hall, Panabo City.

| cio
📸 Maricel Saire Sanani