Tungod sa nahitabong pagbaha adtong Hulyo 13,2021, ang mga residente sa mga barangay sa JP Laurel, New Malitbog, ug Datu Abdul nakadawat og foodpacks gikan sa Department of Social Welfare and Development (DSWD) pinaagi sa City Social Welfare and Development Office (CSWDO). Mahinumdoman nga nakasinati ang siyudad sa Panabo og kusog nga ulan gumikan sa usa ka Intertropical Convergence Zone sulod sa nasod.

Ang mga kapitan sa tulo ka barangay nakig-alayon sa City Disaster Risk Reduction Management Office pinaagi sa pagsumite og mga reports kabahin sa mga negatibong epekto sa pagbaha sa ilang mga purok. Mapasalamaton ang mga kapitan nga na apod-apod sa ilang mga katawhan sa barangay ang 300 foodpacks na gitunol sa DSWD.

Sa pagturn-over sa food packs, anaa si Assistant City Administrator Brenda A.Sauping isip representante ni City Mayor Jose E.Relampagos, Personal Assistant ni Mayor Joe na si Roy Vicilla, Barangay Captain sa JP Laurel Hon. Richard J. Ocay, Barangay Captain sa Datu Abdul Dadia Hon.Allan D. Pangay, Barangay Captain sa New Malitbog Hon.Romeo S. Balon,ug mga personahe sa CSWDO ug CDRRMO.

Sa panahon sa ting-ulan, padayon ang pagmonitor sa CDRRMO sa mga barangay. Nagapahinumdom sila nga kanunayon nga mahimong maabtikon aron mahilikay ang kaugalingon sa mga katalagman.

| Gen Alforque – CIO -PIRO
📸 | CDRRMO