Gipailawom ang mga empleyado sa LGU Panabo City sa usa ka Orientation ug Forum sa Department of Social Welfare and Development mahitungod sa Adoption and Foster Care adtong Mayo 5,2021 sa ABC Hall, New Pandan, Panabo City.

Gihisgotan sa kalihokan mao ang R.A.No 9523 o An Act Requiring the Certification of the Department of Social Welfare and Development (DSWD) to declare a “Child Legally Available for Adoption” ug R.A.No. 10165 o An Act to Strengthen and Propagate Foster Care Abused Abandoned, Neglected and other Children with Special Needs.

Tumong sa programa nga mahatagan sila og kaalam sa tamang proseso sa pagsagop ug pag-amuma sa usa ka bata subay sa balaod.

Sumala pa ni Supervising Social Worker Annie Y. Jickain, RSW nga walay rehistrado nga foster parent ang siyudad. Ang foster parent naka focus kini sa parenting capacity tungod kay dili kini permanente ang bata sa mag-amuma.

Ang mga prospective parents nga gusto mosagop o mag-amuma og bata mahimong mobisita sa City Social Welfare and Development Office o tawagan ang (084) 823-0473 alang sa dugang mga detalye o kasayuran.

Ang kalihokan gi-organisa sa CSWDO nga gipangulohan ni City Social Work and Development Officer, Chareina Joy G. Lacuin, RSW, MSSW.

| R. Dulla/CIO
📸 M. Gentiles