October 07,2022 — Nagbisita ang mga opisyales sa Department of Information and Communications Technology (DICT) sa opisina ni City Mayor Jose E. Relampagos alang sa posibleng partnership para sa libreng pagbansaybansay sa “digital web” ug “contact center” alang sa panaboans. Ang plano suportado ni Mayor Relampagos tungod makatabang kini sa katawhan.

Matod pa, usa kini ka tabang sa mga residente nga mahatagan sila og oportunidad nga motrabaho galing man nga managhan ang information and communication technology (ICT) industries sa Panabo.

Ang DICT mugiya usab sa LGU Panabo pinaagi sa technical support para sa pagmugna og Information Communications Technology (ICT) Council ug sila andam muhatag og technical support. Ang siyudad sa Panabo usa sa mga lugar nga gigikanan sa mga empleyado nga naga trabaho sa BPO companies sa Davao. Potensyal usab ang siyudad nga matukoran og maong mga kompanya tungod sa maayo nga suplay sa kuryente ug kapaspason sa internet.

Anaa sa meeting sila city councilors Dizon P. Namuag,MBA, Engineer Ronald L. Ang, Christian Leander M. Dujali ug Ian Rolet A. Catalan. Anaa usab sa panagpulong sila PESO Panabo Head Cherelle B. Espinosa, City Information Officer Michael Angelo A. Resueño, DICT Provincial Officer Engineer Octavio S. Guibelondo Jr., ug si Focal ICT Industry Development Bureau Engineer Albert C. Gabriel. Gilaoman nga adunay consultative meeting sa sunod na higayon.

✍️Dolly Amag, CIO-PIRU
📷Q. Villahermosa, R. Cayas, CIO-Multimedia See less