Usa ka pitaka nga adunay sulod nga ATM, cedula, ug kwarta ang gi-uli ni Jumar Miraviles nga taga Barangay San Vicente sa tag-iya nga si Agosto Lagroma nga lumulupyo usab sa maong Barangay. Human sa maayong buhat nga gipakita ni Maraviles, gigawaran siya og Honesty Award ni Mayor Jose E. Relampagos pinaagi ni Assistant City Administrator Brenda A. Sauping sa City Mayor’s Office, 3rd Floor, New City Hall of Panabo adtong April 5,2022.

Sulti pa ni Miraviles nga, “Mas mayo buhaton ang sakto, kana nga butang angayan natong i-uli sa nanag-iya.”Sumala pa ni Lagroma nga siya nalipay ug nagpasalamat tungod sa pag-uli sa iyahang pitaka kay siya nawad-an nag paglaom na mahibalik pa kini sa iyaha. “Aduna siya’y malumong kasing-kasing nga giuli kini sa sakto nga pamaagi,” dugang pa ni Lagroma.

Makanunayon usab ang pagpahinumdom ni Mayor Relampagos nga maayong magpatigbabaw ang ka matinud-anon kay mao kini usa ka basihan isip usa ka maayong Panaboan.

Kung adunay nakita nga gamit mamahimong mo kontak kay Nilda Cuantioso sa City Administrator’s Office o e kontak sa numerong 0912-701-0647.
| Gene Alforque- CIO/PIRO
📸| Rommel Cayas