Nakadawat ang LGU Panabo City og usa ka Plaque of Recognition sa gipahigayong 3rd Meritorious Exceptional Performance of Stakeholders and Teachers’ Awards and Recognition 2022 (MEP STAR Awards) adtong Oktubre 25, 2022 sa Panabo City Senior High School, New Visayas, Panabo City.
Ang maong plaque gihatag tungod sa makanunayong suporta sa lokalidad sa tanang kahimuan sa tulonghaan. Gipaambit usab ni School Principal Myrna E. Purificacion ang iyahang pasalamat tungod sa unsa mang hangyo nila, mahatagan gyud sila sa LGU.
Atol sa kalihokan, si City Administrator Pedrito A. Misoles isip representante ni City Mayor Jose E. Relampagos ang midawat sa maong pag-ila.
Anaa sa kalihokan si Assistant SDS Phoebe Gay L. Refamonte, mga magtutudlo sa mga institusyon, mga representante sa pribadong sektor, ug uban pa.
