Nagpahigayon og Table Skirting & Flower Arrangement Training-Workshop alang sa mga IP members nga kababaihan sa Barangay Gredu adtong Mayo 25, 2021 sa ilang Barangay Hall diin 24 ka partisipante ang nitambong.

Ang maong kalihokan gipangunahan sa Panabo City Tribal Office, pinaagi sa suporta ni City Mayor Jose E.Relampagos, aron makahatag og dungag kaalam ug panginabuhian sa mga kababaihan sa nagkalain-laing tribo sa Panabo.

Matod pa kay Maria V. Sumando, 51 anyos, residente sa Barangay Gredu, “Dako ning tabang ilabina sa amoa mga (IP)… naa mi mga ingon aning training na ma-impart namo.” Gisaysay usab niya nga ilang bagong natun-an makatabang sa ilaha og tigom alang sa ubang gastoson sa ilang mga kalihokan sa barangay. “Kung naay mga program nga ipahitabo karon, kabalo nami dili nami mo hire og tao aron motrabaho anang table skirting ug flower arrangement.”

Mosunod sa schedule ang Barangay Tagpore karong Mayo 27,2021.

|Ivory Dawn Balogbog, CIO-PIRO
📸|MCG