Gipasundayag sa 8th Fun Dog Show adtong Marso 24, 2021 ang mga iro nga binuhi sa mga partisipanteng taga Panabo City. Subay kini sa pagsaulog sa ika-20th Araw ng Panabo ug National Rabies Awareness Month na ginapahitabo kada bulan sa Marso.

Giilang People’s Choice sa kalihokan si “Kenken” nga usa ka Chow Chow, si “Gaia” sa kategoryang Large Breed, si “Yujinjiro” sa American Bully, sa Asong Pinoy si “Choco”, si “Kawhi” sa katergoryang Small Breed, si “Alex” sa Puppy, ug sa kategoryang Most Fashionable Dog mao si “Toni” nga usa ka Shi Tzu.

Sumala pa ni City Veterinarian Dr. John Ray Bautista, gibuhat ang kalihokan para madugangan ang kaalam sa mga pet owners sa pag-atiman sa ilang mga hayop ug epektibong mga pamaagi aron malikayan ang rabies sa komyunidad.

Gi-organisa ang 8th Panabo Fun Dog Show sa Veterinary Section ubos sa opisina ni City Mayor Jose E. Relampagos.

|R.Dulla/CIO
📸R. Cayas