Gipangandaman na sa lokal nga panggamhanan ang devolution plan sa National Irrigation Administration (NIA) nga i-implementa sa mga LGU. Ang Devolution Transition Plan (DTP) dugang serbisyo sa mga katawhan sa Panabo aron mas mapaduol na ang mga serbisyo sa nasyonal nga gobyerno nga pwede na mabuhat sa lokal nga komunidad. Dugang niini, ang DTP kay ang pagplano og mga dugang proyekto, programa o mga aktibidadis subay sa ipanaog nga badyet ug mga programa gikan sa nasyonal nga gobyerno ilawom sa DILG Mandanas case.

Giklaro usab sa NIA nga ang i-devolve project lang kay ang Communal Irrigation o ang mga irigasyon nga gikan sa bukid. Ang irigasyon importante nga naapil sa DTP kay kini gahatag og saktong supply sa tubig sa mga mag-uuma sa ilahang mga luna nga gipangtamnan.

Sa kasamtangan, ang DTP sa lokal nga panggamhanan kay anaa na sa Sangguniang Panglungsod (SP) ug kung maaprobahan man, isunod kini nga ipasa sa Department of Interior ang Local Government (DILG). Sa umaabotay nga pag-aprobra niini, mao na kini ang sundon sa ipakanaog nga badyet gikan sa nasyonal nga gobyerno.

Sa laing bahin, bag-ong seksyon sa City Agriculture’s Office (CAGRO) nga Agricultural Biosystems and Engineering Section, gipangusgan nga maaprobahan. Giproposed ang bag-ong seksyon sa CAGRO kay aron mas mapadali ang pag-asikaso sa mga kagamitan sama sa farm machineries. Kini mohatag og bag-ong serbisyo hilabi na sa mga mag-uuma nga walay saktong machineries para gamiton o ihatag ang mga machineries sa tamang association aron magamit, ug kung magubaan man sila og farm machineries, dali nalang kini asikasohon.

Isa sa pagpangandam sa Agricultural Biosystems and Engineering Section kay ang pag-inventory sa mga farm machineries. Gihisgotan usab ni Senior Environmental Management Specialist Norollah Tom Pelayo sa RaJoe Serbisyo, nga ginahikayat niya ang mga katawhan hilabi na ang mga kabatan-onan nga mo-engage sa farming. Dugang pa niya, “Sama sa kakugi sa CAGRO aron matabangan ang atong mag-uuma sa lungsod, unta mas daghan pa ang makiglambigit sa farming aron mas molambo pa ang atong agrikultura.”

Alang sa dugang detalyi mamahimong makita ang live coverage sa City Government of Panabo FB Page o sa link: https://www.facebook.com/panabocityofficial