Hulyo 12,2021 — Sa kinalasang gabii sa haya ni 1LT KARL JOSEPH D.HINTAY sulod sa Tactical Operations Wing Eastern Mindanao sa Panacan, Davao City, nibisita si City Mayor Jose E.Relampagos ug Governor Edwin I.Jubahib aron mohatag sa ilang suporta ug simpatiya sa pamilyang Diwara-Hintay.

Naghatag si Mayor Joe og usa ka Plaque of Honor alang kay 1LT KARL JOSEPH D.HINTAY, pinaagi sa iyang inahan nga si Dr. Daisy Hintay, tungod sa iyang serbisyong publiko ug sa iyang dakong tinguha nga makab-ot ang kalinaw sa nasod hantod sa iyang kalit nga pagpanaw adtong Hulyo 4,2021 sa Patikul, Sulu. Naghatag usab si Mayor Joe og cash assistance alang sa pamilya.

Sa adlawng Hulyo 13, Martes, takda nga ilubong ang urn ni 1LT Hintay sa Forest Lake Memorial Parks, Davao City tapad sa lubnganan sa iyang amahan.

Kauban ni Mayor Joe ug ni Governor Jubahib sa pagbisita kay sila City Administrator Pedrito A.Misoles ug City Information Officer Michael Angelo A.Resueno.

📸 Gene Alforque, CIO