Nagmadaugon ang Purok Lettuce sa Barangay Nanyo sa gipahitabong “Panabo Community Greening Contest” adtong Oktubre 8, 2021.

Nagpakitang gilas ang pito (7) ka purok sa Barangay Nanyo, Panabo City sa ilahang adbokasiya ug isip pagpalambo sa kalimpyohan sa lugar ug saganang pananom na makatabang sa emerhensiya na panginahanglan sa pagkaon.

Usa kini ka kalihokan nga gimugna sa City Mayor’s Office ug ang ilang pakig-alayon sa buhatan sa City Environment and Natural Resources (CENRO) aron mapasundayag sa matag purok sa Barangay Nanyo ang kaanindot sa ilang mga tugkaran apil na ang kaaktibo sa pagpartisipar sa matag purok.

Ania ang mga nidaug sa nahitabong padula.

1st Place: Php 20,000.00, Purok Lettuce
2nd Place: Php 15,000.00, Purok Gabi
3rd Place: Php 10,000.00, Purok Katuray
4th Place: Php 5,000.00, Purok Repolyo

Alang sa dugang impormasyon sa pagkuha sa premyo, mamahimong mutawag kay Alvinjay Soldia sa numero (0918-429-7598).

| Q. Villahermosa, CIO-Multi Media