Adtong Abril 17, 2019, nahimong balaod ang Pantawid Pamilyang Pilipino Program (4Ps) sa DSWD pinaagi sa pagperma ni Presidente Rodrigo Roa Duterte sa Republic Act 11310 aron mahimong permanente ang programa.
Ang 4Ps usa ka programa nga direktang nagahatag ang gobyerno og cash grants sa piniling kabos nga pamilya ingon man pagtabang sab sa nutrisyon, health ug edukasyon. Tumong sa programa nga makonhoran ang kakabos sa daghang naglisod nga pamilya sa nasud.
Matod pa ni DSWD-Panabo City Conditional Cash Transfer Team Leader Catherine G. Ang sa interview kauban sa Information Office sa Ang Panabo Karon Program sa Radio 911, nagsugod ang 4Ps sa siyudad sa Panabo niadtong tuig 2012 sa 39 ka barangay samtang ang Barangay Cagangohan ug Barangay San Vicente nasugdan na adtong tuig 2009.
Ang Department of Social Welfare and Development (DSWD) mogamit og National Household Targeting system (NHTS) nga motarget sa benepisyaryo sa programa nga ere-validate matag tulo ka tuig.
Sumala pa ni Social Works Assistant Armalyn L. Dalisay adunay 42, 297 ka household active 4Ps beneficiary sa Davao Del Norte. “Okay ang dagan sa 4ps sa Panabo”, matod pa ni Dalisay.
Ang kwalipikadong benepisyaryo sa progama kinahanglan residente isip kabos sa komunidad nga adunay anak nga ga edad og 0-18 yrs old.
Sa kasamtangan, adunay 5,192 active beneficiary sa siyudad sa Regular Conditional Cash Transfer (RCCT) ug 2,057 active beneficiary sa Modified Conditional Cash Transfer (MCCT) program.
Abli ang opisina sa DSWD Convergence Panabo nga nahimotang karon sa Panabo Gym alang sa mga dugang impormasyon o mga reklamo nga adunay kalabotan sa Pantawid Pamilyang Pilipino Program (4Ps).
(R.Dulla/CIO-Public Information & Research Ops)
Ang Department of Social Welfare and Development (DSWD) mogamit og National Household Targeting system (NHTS) nga motarget sa benepisyaryo sa programa nga ere-validate matag tulo ka tuig.
Sumala pa ni Social Works Assistant Armalyn L. Dalisay adunay 42, 297 ka household active 4Ps beneficiary sa Davao Del Norte. “Okay ang dagan sa 4ps sa Panabo”, matod pa ni Dalisay.
Ang kwalipikadong benepisyaryo sa progama kinahanglan residente isip kabos sa komunidad nga adunay anak nga ga edad og 0-18 yrs old.
Sa kasamtangan, adunay 5,192 active beneficiary sa siyudad sa Regular Conditional Cash Transfer (RCCT) ug 2,057 active beneficiary sa Modified Conditional Cash Transfer (MCCT) program.
Abli ang opisina sa DSWD Convergence Panabo nga nahimotang karon sa Panabo Gym alang sa mga dugang impormasyon o mga reklamo nga adunay kalabotan sa Pantawid Pamilyang Pilipino Program (4Ps).
(R.Dulla/CIO-Public Information & Research Ops)
