Agosto 4, 2021 — Nagpulong ang Solid Waste Management Patrolling and Enforcement Team alang sa mga kalabotan sa matag barangay ug mga kalihokan sa programang Kalinisan Kaayusan Kaalaman (KKK) Kontra Covid-19 ilawom sa Environmental Protection Agenda ni City Mayor Jose E. Relampagos. Nanguna sa panagpulong si Sr. Environmental Management Specialist Norollah B. Pelayo ug nahisgutan niya ang problema nga paglahi sa mga basura nga malata, dili malata, ug ang basurang nagdala og sakit nga makatakod.

Sulti pa ni Pelayo nga bisan luyo sa pandemya, kinahanglan limpyo gihapon ang palibot kay pwede maggikan ang sakit kung hugaw ug dili atimanon ang palibot. “Aduna nay 19 ka mga barangay ang na inspekyon sa Solid Waste Management Patrolling and Enforcement Team ug 37 kabuok ang mga tawo nga ninglapas ug naisyuhan og citation tickets ug penalty,” Dugang niya. “Ang mga tawo nga naisyuhan og citation tickets ug penalty kay ninglapas sa City Ordinance 28-05 o ang Ecological Solid Waste Managment Ordinance sa syudad sa Panabo nga gikan ka sa Republic Act 9003 sa National Law.”

Nitambong sa panagpulong si Executive Assistant III Jo-Anne Relampagos-Capuyan. Nagpasalamat siya sa mga enforcers sa ilang kakugihan ug sa pag-atiman sa kahinlo sa matag barangay. Ingon pa niya, “Paningkamotan nato nga madungagan ang inyong honorarium kay kapoy inyong trabaho pero andam gihapon mo kanunay moalagad sa syudad sa Panabo.”

Ginaawhag ang katawhan sa Panabo nga kanunay manglimpyo sa palibot ug musunod sa balaod sa Solid Waste Management.

|Tim Acebedo, CIO-PIRO