Feb 14, 2022 – Subay sa pagsaulog sa adlaw sa paghinigugmaay, gipahigayon ang ‘True Love Waits Seminar’ ubos sa pagpaningkamot sa City Youth Development Section nga gipahitabo sa ABC Hall New Pandan, Panabo City.

Ang maong seminar nagatinguha nga magiyahan ang mga kabatan-onan pag-abot sa pakigrelasyon. Gihimay-himay usab ang kalahian sa ‘infatuation’ ug gugma, aron masabtan ang mas importante nga unahon samtang bata pa.

Ang 34 ka mga partisipante kay nag-edad 15-18 anyos nga gikan sa Pag-Asa Youth Association of the Philippines – Panabo Chapter, Gawad Kalinga Datu Abdul Youth, Religious Youth Sector, ug Talented Youth Artist Organization.

Gisiguro sa speaker nga si Michael Tagwalan, LYDO III, nga muoling adunay nakutloan ug nalipay sa mga mensahe nga ilahang nadawat ang mga mitambong.

|Tim Acebedo, CIO-PIRO
📸 I.Balogbog