Pinaagi sa pakig-alayon sa Department of Labor and Employment (DOLE) ug Public Employment Service Office (PESO) sa siyudad, natagamtaman na sa 159 ka mga beneficiaries sa Tulong Panghanapbuhay sa Ating Disadvantaged/Displaced Workers o TUPAD ang financial assistance nga P3,960 kada tao human sa ilang panarbaho sa sulod sa napulo (10) ka adlaw. Gipahigayon ang maong payout sa Barangay Kiotoy, Sta. Cruz, ug San Nicolas adtong Nobyembre 2, 2021.

Nanghinaot ang buhatan sa DOLE, PESO, ug apil na ang Lokal nga Panggamhanan na mapuslan kini sa mga benepisyaryo. Sulti pa ni PESO staff Lysander Vergara, “Sa katibuk-an, aside sa makahatag og tabang pinansiyal ang TUPAD, ginatudluan sad ang mga tao nga maningkamot sa ilang kaugalingon.”

Dakong katumanan ang makatabang sa mga tao ilabina ang katong mga walay trabaho, bakwit nga trabahante, ug seasonal workers na mahatagan og oportunidad nga muasenso sa ilang pamuyo ilabi na sa panahon sa pandemya aron adunay makuhaan og dugang panggasto sa pang adlaw-adlaw nga panginahanglan.

Laoman nga magpahigayon og TUPAD payout sa adlawng Nobyembre 3, 2021 adto sa mga Barangay Maduao ug Gredu.

l M. Lagura
Photos: PESO Panabo