Enero 28,2022 – Nagpahitabo ang Lokal nga Panggamhanan sa Panabo ug ang Department of Labor and Employment (DOLE) og Wave 3 JobStart Graduation Ceremony sa Panabo Multipurpose, Tourism, Cultural and Sports Center diin 53 ka mga jobstarters sa siyudad gawas sa 100 ka mga benepisyaryo ang natapos sa ilahang 4-6 ka bulan nga pagpanerbisyo sa ilang kompanyang gitrabahuan.

Ang JobStart Program usa ka programa nga gipangunahan sa DOLE ug Public Employment and Services Office (PESO) sa LGU Panabo nga nagahatag og oportunidad sa mga kabatan-onan nga makasinati og trabaho pinaagi sa mga partner companies.

Matod pa ni Kenneth S. Gabatin, usa sa nigradwar, nga apil siya sa nawalaan og trabaho tungod sa Pandemiya. Gi-assign si Kenneth sa Panabo Multipurpose Cooperative. Dugang pa niya, “Tungod ani nga programa, nakatabang ni sa ako nga mahimong employed.” Gipili usab siya nga mahatagan og Outstanding JobStart Awardee & Leadership Award.

Sa kalihokan, gihatagan og Special Award ang mga JobStart Program partners nga kompanya sama sa Gaisano Grand Mall of Panabo, McDonald’s Panabo, ug Panabo Multipurpose Cooperative. Gi-anunsyo usab ang mga jobstarters nga nakadawat og special award sa matag kompanya.

• Gaisano Grand Mall Panabo
Jessa V. Dolorosa -Outstanding JobStart Awardee
Kate Jean E. Amador -Leadership Award
Vanessa O. Corpuz -Most Improved JobStart Trainee

• Panabo Multipurpose Cooperative:
Kenneth S. Gabatin -Outstanding JobStart Awardee & Leadership Award
Reyshiel D. Tabaranza -Most Improved JobStart Trainee

• McDonald’s Panabo:
Jeric R. Albos -Outstanding JobStart Awardee
Arvin C. Bitang -Leadership Award
Rey G. Gumba -Most Improved JobStart Trainee

Mapasalamaton usab si DOLE XI Regional Director Atty. Randolf C. Pensoy sa dakong suporta sa Lokal nga Panggamhanan mahitungod sa programa. “Always remember to believe in yourselves, continue in learning and giving victory in your journey, and make the best of you,” dugang pa niya.

Anaa sa kalihokan si City Administrator Pedrito A. Misoles, PESO Manager Cherelle B. Espinosa, DOLE XI Employment Focal Marlito D. Ayala, DOLE XI JobStart Focal Macie Mae P. Abellana, Store Operational Manager Gaisano Grand Mall Analyn L. Abapo, CEO Panabo Multipurpose Cooperative Dr. Reynaldo T. Gulane, Managing Director McDonald’s Panabo Ida Fatima Baranda, ug Executive Assistant Josie Mary Relampagos isip representante ni City Mayor Jose E. Relampagos.

l M. Lagura
Photos: Rommel Cayas