Prayoridad ni City Mayor Jose E. Relampagos nga humanon ang pag-aspalto sa kadalanan sa poblacion area lakip na sa mga subdivision aron masulbad ang problema sa mga lubak ug daut nga kadalanan.

Tungod niini, naggahin siya og P12 Million alang sa pag-aspalto sa mga kadalanan sa bulan sa Enero. Ang maong proyekto Ilalom sa iyang 10-Point Executive Agenda nga Road Construction and Infrastructure Development.

Mas napadali sad ang pag aspalto sa kadalanan mahitungod sa full operation sa Asphalt Batching Plant nga nahimutang sa LGU-Panabo Motorpool Compound sa Barangay Datu Abdul.

Sa kasamtangan, ginapahamtang ang asphalting sa Barangay Gredu ug sa ubang kadalanan sa Panabo City.
Alang sa dugang impormasyon tanawa ang frontline news ni Francis Paculanang https://fb.watch/38XjggI9c0/.

|Mel Hilario CIO-PIRO