Pebrero 3, 2023 – Gihiusa sa kaminyoon ni City Mayor Jose E. Relampagos ang lima (5) ka pares nga naghinigugmaay atol sa Kasalan sa Balay Dakbayan nga gipahitabo sa 3rd Floor Funtion Hall, Panabo City Hall.
Gipaambit usab ni Mayor Relampagos sa mga bana nga walaon ang pagka-ulitawo ug magsimba kauban ang pamilya kung unsa man ang relihiyon, aron mahatagan og giya ug mga panalangin.
“Sinabtanay sa mag-asawa ug pamilya aron dili magbulag”, dugang tambag ni Mayor Relampagos sa lima ka pares nga bag-ong kasal.
Alang sa gusto magpakasal, abri ang Lokal nga Panggamhanan pinaagi sa City Civil Registrar’s Office (CCRO) sa pagtabang sa mga pares nga buot magminyo ug magtukod og pamilya.
