Mibisita ang mga representante sa Consulate General of Malaysia na sila Consul General Deddy Faisal Bin Ahmad Saleh ug Consul Ahmadulkuddus Husain sa Lokal nga Panggamhanan sa Panabo ug nakighimamat kabahin sa Agrikultura ug produkto sa siyudad ngadto sa 3rd floor, City Mayor’s Conference Room, adlawng Pebrero 3, 2023.

Gipangulohan nila City Agriculturist Samuel N. Anay ug Agriculturist I Andrea Galaura ang kalihokan diin ilahang gipresentar ang mga produktong hinimo sa lokalidad gikan sa mga fresh products o Agriculture Commodities sama sa Saging (Cavendish, Cardaba, Lakatan), Lubi, Bugas, Durian, Mango, Rubber, Cacao, ug Bangus lakip na ang mga Value-Added Products na Banana Chips, Bangus Products (Bottled Bangus), Cacao Tableya, Vegetable Chips, Virgin Coconut Oil, Crafted Baskets, Ready-to-drink Kalamansi Juice, Mushroom Products (Kabote Bagoong), Dried Fish, Rabbit Meat, products out of banana fiber, goat milk, ug uban pa.

Usa kini ka pamaagi sa City Agriculture Office (CAGRO) na apil sa Agrimarketing and Business Services na mapakusgan ang mga local products na gimugna sa mga local farmers aron sila matabangan sa pag-promote sa maong produkto ilabina ang paspas na pag-abot sa mga oportunidad sanglit man na makahatag kini og “Investment Opportunities” kanila. Ang opisina sa CAGRO nagalaom na unta magpadayon pa ang panag-uban sa duha (2) ka lugar ug aduna pay mga serye na pagbisita ang mahitabo alang sa kalamboan sa tanan.
Anaa usab ang presensya ni City Mayor Jose E. Relampagos ug Project Development Officer III Brian G. Delusa sa pakighinabi.

#PanaboCity
#importanteinformed
#ServicetoPanaboansServicetoGod

Photos| F. Paculanang
|M. Lagura