Nagpahigayon og pinakaunang CNET meeting karong tuiga sa pagpangulo ni Nutritionist-Dietitian III Lovella Fontanilla sa City Health Office – Nutrition Section kauban ang mga miyembro sa City Nutrition Evaluation Team (CNET) niadtong Pebrero 3, 2023.

Atol sa maong meeting gihan-ay ang team assignment sa mga miyembro sa CNET ug ang eskedyul sa pagbisita sa kwarenta (40) ka mga barangay sa Panabo aron sa pag-monitor ug ebalwasyon sa mga Barangay Nutrition Scholar (BNS). Ang CNET gilangkoban sa mga personahe sa City Nutrition Office kauban ang mga represenatante sa mga nagkadaiyang opisina sa LGU-Panabo, City Nutrition Action Officer (CNAO) Konsehal Janno Paolo Gentiles ug uban pang partner nga nasyonal nga ahensiya.

Nagpahigayon usab og reorientation sa 2022 nga bersiyon sa MELLPI PRO (Monitoring Evaluation on Local Level Plan Implementation Protocol), usa ka pamaagi sa National Nutrition Council aron masukod ang performance ug kahimoan sa mga BNS lakip na ang mga aspeto nga pwede pa nila mapalambo.

Ang mga BNS ang katimbang sa City Nutrition Office sa pagmonitor sa panlawas sa mga kabataan lakip na ang pag-implementa sa health ug nutrition program gikan pa sa pagbuntis handtod sa pagdako sa mga kabataan. Karong Pebrero 28 sugdan ang pagbisita sa mga barangay, didto sa Sto. Niño ug New Pandan.

Atol sa meeting, anaa ang representante ni CNAO Konsehal Gentiles nga si Rambo Llana ug si Moonlien Jane Estimada sa DepEd Panabo City Division.

🖋️ Erick Etis – Multimedia / CIO Panabo
📸 Rommel Cayas – Multimedia / CIO Panabo
📸 Josephine Chua- CNET/CNO