Giselebrar sa Lokal nga Panggamhanan sa Panabo ang ika-33rd Civil Registration Month na adunay temang, “PSA @10: Providing Efficient and Effective Civil Registratiom and Vital Statistics through Digital Transformation” ngadto sa ARF Gym, Barangay New Pandan, Panabo City, adlawng Pebrero 2, 2023.

Ang kasaulogan ginapahitabo kada bulan sa Pebrero subay sa Proklamasyon No. 682 nga gipagawas adtong January 28, 1991. Usa kini ka pagpahinumdum sa mga Pilipino sa ilang katungdanan sa pagrehistro sa mahinungdanong mga panghitabo sa ilang kinabuhi sama sa pagkatawo, kaminyoon, o kamatayon sanglit man nagapamatuod sa legal nga pag-ila.

Gipaambit ni PSA Provincial Chief Statistical Specialist Pepito D. Amoyen ang importansya sa pagparehistro. Ingon pa niya, “Gustohin niyo man o hindi, you are form and part of Civil Registration System. Kapag may ipinanganak sa pamilya niyo, kailangan ito nakarehistro para may legal identity of being a person. For a person to have a nationality, one must register his identity.”

Gipadayag usab ni Acting City Civil Registrar Libertad V. Regis ang iyahang pagpasalamat sa mga nisalmot sa unang adlaw sa aktibidad. Sumala pa niya na aduna silay mga inobasyong ipahitabo na makahatag og sayon ug way hasol na pamaagi sa pag-apply o pagparehistro lakip na ang online application sa marriage license.

Dugang pa ni Executive Assistant Jo-Anne Relampagos-Capuyan na naningkamot ang opisina ni City Mayor Jose E. Relampagos sa padayon nga pagpanghatag og serbisyo sa katawhan ug tungod niini, gi-anunsyo usab niya na nagplano sila kauban ang CCRO ug PSA na magpahigayon og “Maling dokumento mo, Iwasto mo” o katong mga pagtul-id sa mga mali na detalye sa Birth Certificate.
Adunay mga serye na mga kalihokan ang pagahitaboon sa Civil Registration Month na gipangulohan sa City Civil Registrar Office kauban ang PSA.

Saksi sa kasaulogan si City Vice Mayor Gregorio Dujali III, City Councilor Dizon Namuag, Assistant City Administrator Brenda Sauping, CGDH-CHRMO Jan Marie Cafe, CGDH-CBO Joven Sepe, CGDH-GSO Madera Bautista, City Information Officer Michael Angelo A.

Resueño, City Fire Marshall CINSP. Janeth Mapesos-Lequigan, ug mga empleyado sa nagkadaiyang opisina sa LGU, ug ahensya sa gobyerno.

Photos| E. Pan
|M. Lagura