Pebrero 01, 2023 — Problema sa mag-asawa, live-in-partner o mag-uyab, ug sa tanang adunay romantic relationship nga mihantong sa pisikal nga bugno ug napasipad-an, napasakitan sa maong lalaki ang babaye pwedeng mapasakaan og kaso human kini gibutyag ni Police Staff Sergeant (PSSG) Melody C. Duran atol sa pakighinabi kaniya sa RaJOE Serbisyo kauban si Police Senior Master Sergeant (PSMS) Randy Sta. Maria nga maoy anchor sa segment nga “Isumbong mo kay Chief” sa programang RaJOE Serbisyo.

Republic Act 9262 ang balaodnon nga nagaprotekta sa mga kababaihan apil ang ilang mga anak sa pag-andam sa mapanaliporon na sumbanan alang sa mga biktima sa maong pang abuso ma pisikal o mental. Gi-awhag ni PSSG Duran nga magsumbong o magpa blotter sa buhatan sa kapulisan kung sila nakatagamtam og sakit sa lawas ug sakit nga mga pulong nga gilabay sa ilaha gikan sa ilang mga pares.

Sumpay ni PSMS Sta. Maria nga dili angay mahadlok nga musumbong kay ang tanan nga kaso confidential kini ug kapulisang babae ang mag-imbestiga nga mao lamang ang pwede makalantaw sa mga kaso nga nareport sa ilang buhatan.

Ang pagbanta sa hinigugmang babaye sama sa ‘patyon taka’ug gibaid ba-iran og kutsilyo, usa ka matang na pwede magpamediko legal sa mga espesyalista sa utok ug maoy mahimong basihan sa pagpasaka og kaso ug pwede mahatagan og Barangay Protection Order ang biktima sulod sa kinse (15) ka adlaw aron mapahawa ang bana sa ilang panimalay.

Sa katapusan, gi-awhag ni PSSG Duran ang mga kababaihan nga magsumbong sa kapulisan aron magiyahan ug mahatagan og proteksyon.

By : Dolly G. Amag, CIO-PIRO