Human sa nahitabong linog nga mitala sa Magnitude 6 adtong Pebrero 1, 2023 sa bandang alas 6:44 sa gabie, nagpahitabo dayon og inspekyon ang Lokal nga Panggamhanan pinaagi sa City Disaster Risk Reduction Management Office (CDRRMO) kauban ang Bureau of Fire (BFP) Panabo sa pipila ka mga tulunghaan ug imprastraktura sa siyudad kung adunay mga liki ug paghirig sa building aron sa pagsiguro sa kaluwasan sa katawhan, ilabi na sa mga estudyante diin milibot sila sa pag-inspeksyon adtong Pebrero 2, 2023.

Ang maong linog, gikagul-an sa tanan tungod sa kakusog niini. Sa maong higayon, alerto ang Lokal nga Panggamhanan sa pagbantay ug pagmonitor sa siyudad.

Mao kini ang ilang na-adtoan nga mga tulanghaan ug imprastraktura:

• Panabo Christian School
• Maryknoll College of Panabo, Inc.
• Little Panay National High School
• Panabo City Senior High School
• Doña Nenita Elementary School
• Kauswagan Elementary School
• Rizal Elementary School
• Panabo Central Elementary School
• ACES Polytechnic College
• Northern Paramedical & Technological School

• Gaisano Grand Mall
• Rivera Hospital
• Cainglet Hospital
• Panabo Museum
• ABC Hall Building
• Gender Developement Office
• Good Sheperd Hospital

Sa maong kalihokan, anaa si City Administrator Pedrito A. Misoles, CDRRMO Head Prosper Dajalos, City Engineer Bernardo Rabanoz, Jr., ug BFP, SInsp. Janeth Mapesos-Lequigan.

Gi-awhag ang tanang katawhan nga mag-igmat sa unsa mang katalagman nga muabot sa siyudad sa Panabo.

✍️: IDOB, CIO – PIRU
📸: Q. Villahermosa & Aljun Castilla, CIO – Multimedia