Usa ka pedicab driver na taga Purok 2, Barangay Katipunan ang gigawaran og ikatulong Honesty Award sa tuig 2023 tungod sa gipakitang maayong pamatasan.

Si Jeffrey Mirafuentes namasahero adtong Pebrero 1, 2023 ug siya nakakita og cellphone sa kalsada atbang sa Panabo Christian School. Iyaha dayon kining gipunit og nagdesisyong itunol sa tag-iya pinaagi sa pagsurrender sa kabtangan sa Panabo City Hall.

Ang maong kabtangan gipanag-iyahan ni Larly Gem L. Ortega, gitawagan nila ang cellphone ug gitubag dayon kini ni Mirafuentes. Dakong pasalamat ni Ortega tungod importante ang nawala nga butang diin gilangkuban kini og mga dokumento bahin sa iyahang eskwela.

Gitunol ni Executive Secretary Josie Mary G. Relampagos ang Plaque of Appreciation ug token kay Jeffrey Mirafuentes nagapamatuod sa pag-ila kaniya sa Lokal nga Panggamhanan.

Bisitaha ang City Administrator Office sa 3rd floor, Panabo City Hall kung aduna kamoy nakita nga butang aron matabangan kamo sa pag-uli sa tag-iya.

Photos| Q. Villahermosa