Pebrero 1, 2023 – Gisugat ang bulan sa Pebrero og makusog nga linog nga mokabat og Magnitude 6.0 sa munisipyo sa New Bataan, Davao de Oro. Matod pa sa Panabo City Disaster Risk Reduction Management Office (CDRRMO) nga Intensity 3 ang nasinati sa siyudad sa Panabo.

Ni-aksyon dayon ang mga personahe sa CDRRMO nga gipangulohan ni Prosper Dajalos ug ang mga fire officers gikan sa Bureau of Fire Protection (BFP) Panabo Substation nga gipangulohan ni F/CINSP Janet Mapesos-Lequigan sa pagsusi sa mga establisyemento sa City Government, pati na ang mga private hospitals ug mall aron nga masiguro ang siguridad sa mga trabahante ug kliyente.

Sa ilang report, walay nakitang delikadong pagliki sa bungbong sa New City Hall, SP Building, Good Shepherd Hospital, ug Gaisano Grand Mall nga gawas lamang sa na guba niining kisame sa 3rd Floor.

Apan, ang LTO Panabo ug ang Rivera Medical Clinic adunay na obserbahan nga ginagmayng pagliki sa bungbong. Bisan man niini, padayon ang pagkoordinar sa BFP ug CDRRMO sa mga safety officers sa maong mga establisyemento.

Aron usab ma inspeksyonan ang mga tulonghaan, nagpagawas si Governor Edwin I. Jubahib og memorandum order nga magsuspende sa tanan klase sulod sa probinsya karong Pebrero 2.

| cio
📸 Panabo CDRRMO/BFP